ازاي نطبق اللقيمات

ريجيم اللقيمات مش بيحدد نوعيه الاكل وده مهم فى ان اى حد باي مستوى معيشي يقدر يطبقه لان نوعيه الاكل مش هى الاساس , ولكن الاساس هو كميه الاكل
  ازاى نطبق اللقيمات

فى اليوم لكم 5 لقيمات ووجبه مفرحه (هابى ميل)

اللقيمات
اى نوع اكل فى حجم تلت الكف

ودى امثله :

تفاحه - موزه – برتقاله – خياريه – جزرايه (يعنى اى ثمره فاكهه او خضار ) ولو ثمره نوعها صغير زى العنب مثلا تبقا حوالى ¾ كوب منها
ربع رغيف بجبنه – قطعه بيتزا بحجم تلت الكف – قطعه كيك بحجم تلت الكف – او كرواسو – قرص – كعب غزال (يعنى اى حاجه بحجم تلت الكف )
طيب ينفع مشروبات ؟
ايوة طبعا اى كوب بيكون لقيمه يعنى كوب نسكافيه –كوب عصير – كوب شاى – كوب لبن (اى كوب لاى مشروب يعتبر لقيمه

 ينفع اخد نص شوكولاته سنيكرز كلقيمه – او نص مارس – او واحده شوكولاته باونتى – وهكذااااا
  أيوة طبعا وممكن كمان قطعه جلاش حلو او كنافه 

خلاص نقطه اللقيمه كده مفهومه:
نيجى بقا للهابى ميل 

 الهابى ميل عباره عن 3 حجات مهمه واساسيه :

اولا طبق سلطه متوسط وعليه معلقه زيت زيتون

ثانيا
طبق يحتوى على طعام المنزل قسموه 3 اجزاء

 اول جزء 5 معالق نشويات (ارز او مكرونه او بطاطس او ربع رغيف عيش) .(بعد فتره هتحسوا ان 5 معالق كتير وممكن تقللوا)

تانى جزء قطعه بروتين بحجم تلت الكف (ربع فرخه صغيره من غير جلد – او قطعتين لحم احمر – او سمكه – او 2 بيضه)
تالت جزء لو موجود خضار مطبوخ مثلا (فاصوليا خضرا – ملوخيه – سبانخ .....)  معلقتين بس

ثالتا طبق يحتوى على قطعه حلويات بحجم علبه الكبريت يعنى مكعب شوكولاته, قطعه جلاش صغيرة